Luis Enrique Valdés Duarte

(Pinar del Río, Kuba, 1980)

Dramaturgoa eta poeta. Antzerki Artearen Fakultatean graduatua Habanako Arteen Unibertsitatean. Bere olerkiak, testu dramatikoak, elkarrizketak eta entseguak estatuko zein atzerriko makina bat argitaletxetan plazaratu dira. Erlijio afrokubatarren gaiari buruzko zenbait hitzaldi eskaini ditu Eskultura Museo Nazionalean (Valladolid). Idazketa dramatikoari buruzko tailer ugari eman ditu eta ia hamar urtez bera graduatu zen Dramaturgiako Mintegi bereko irakaslea izan da, baita Diseinu Eszenikoko Ikasketen Zentroko espezialista ere. Fray Luis de León saria eskuratu zuen 2004an Dalí obragatik. 2006an, Kolon hil zela bosgarren mendea bete zenean Valladoliden, Cesna Producciones ekoiztetxeak bere testu batean oinarritutako El último viaje del Almirante filma egin zuen. Espainiara emigratu aurretik Adiós a Cuba obra idatzi zuen, Ignacio Cervantes musikari kubatar ezagunaren bizitzan oinarritua; handik gutxira argitaratu eta estreinatu zen Kubako Antzoki Nazionalean eta Miami hirian. Kixoteren antzerki bertsio bat zuzendu du José Luis Alonso de Santosekin batera, Cervantesen eleberriaren bigarren atala argitaratu zenetik laurehun urte bete zirela ospatuz. Berak idatzitako Burundanga lanak hamar urte daramatza Kubako antzokietan, eta hainbat herrialdetan egon da. Ikasketa Filologikoen Goi Masterra egin zuen Valladolideko Unibertsitatean. Gaur egun Urueñako Liburu Hiribilduko zuzendaria da.